Home కధలు

కధలు

అబ్బయ్య, అమ్మి ..మూడేళ్ళ పసివాడు "సునీలు ఏమయ్యాడో" . ఆ మందల తెలియాలంటే మీరు ఓ తూరి నెల్లూరు విజయమహల్ సెంటర్ కాడికి వెళ్లాల్సిందే మరి.. విశాలాక్షి మాసపత్రిక జూన్ 2021 సంచికలో.. "బాటలకు ఇరువైపులా చెట్లు నాటించిన చక్రవర్తి …. " ఆఖరి ఖాళీలో "అశోకుడు" అని రాసి "అమ్మయ్య" అనుకున్నా. క్లాసులో ఎనక కూర్చొని రాస్తావున్న ఆ అమ్మి హిమబిందు మెల్లగా " రాసేసావా. అయిపోయిందా" అంటా సైగ చేసింది. రాసేశా అంటా తలవూపినా. యూనిట్ పరీక్షల్లో ఆఖరి సోషల్ పరీక్షా...
కరోనా కరోనా అంటూ ఎప్పుడూ భయపడడం, బాధ పడడమేనా. ధైర్యమే మన ఆయుధం. కాస్త రిలాక్స్ కోసం ఈ రోజు నా కథ "అందమైన గాజులు" చదవండి మిత్రులారా. ఈ నెల విశాలాక్షి మాసపత్రికలో. బడి కాడనించి వస్తానే పుస్తకాల పెట్టిని మంచం మీదకు ఇసిరేసి అమ్మ ఇచ్చిన మురుకులు తింటా ఉన్నాను. కానీ నా మనసంతా వీధిలోనే ఉంది. ఆడుకునేదానికి వస్తామన్నారు సునీతా, రాధా. గబా గబా తినేసి అమ్మ పిలస్తా ఉన్నా ఆగకుండా ఇంటి వాకిలి తలుపు తీసుకుని ప్రహరీ...

సరంగు

"ఆడది తిరిగి చెడుతుంది, మగాడు తిరక్క చెడుతాడు" లాంటి నానుడులు, సామెతలతో పుచ్చిపోయిన సమాజంలో ఓ సగటు ఆడది గడప దాటి ఎందుకు రావలసివచ్చింది, వచ్చి ఎలాంటి విజయం సాధించింది తెలిపే కథ "సరంగు". ఈ నెల "సాహిత్య ప్రస్థానం " ఏప్రిల్ 2021 సంచికలో. మీ అమూల్యమైన అభిప్రాయాన్ని తెలుపుతారుగా... ఆకాశమంత విశాలమైన హృదయం, భూమికి ఉన్నంత సహనం ఉండాలంటారు ఆడదానికి. కానీ రోజు రోజుకి మారుతున్న మా పరిస్థితులు నా సహనానికి పరీక్ష పెడుతున్నాయి.మా వారు చేసే వ్యాపారంలో తీవ్రమైన నష్టాలు...
"వొజ్రం ఇలువ " విజయమహల్ సెంటర్ కథల్లో మొదటికథ మన విశాలాక్షి ఏప్రిల్ 2021 సంచికలో వచ్చేసిందండి. మీరు చదివి మీ అమూల్యమైన అభిప్రాయం ని తెలుపుతారుగా. స్టీలు పెట్టెలో పుస్తకాలు సర్దుకుంటా ఉన్నా. కాస్త చిరుగులు ఉన్న పడక కుర్చీ పట్టను దబ్బనం, పురికోస తాడుతో కుడతాఉన్నాడు నాయన. పంచ లో కొళాయి గుంట కాడ అంట్లు తోమతా ఉండాది సుబ్బి."లోకాలయ్య.. ఇదిగో ఈ ఇడ్లీలు తీనేసి బడికి పో"అన్నాది అమ్మ సిబ్బిరేకులో మూడు ఇడ్లీలు, ఇంత టెంకాయ చట్నీ యేసి నా...

చెల్లె

నమస్తే. శ్రీమతి కల్వకుంట కవిత గారి సంపాదకత్వంలో ప్రతిష్టాత్మకంగా వెలువడుతున్న తెలంగాణ జాగృతి తెలుగు సాహిత్య పక్షపత్రిక "తంగేడు" మార్చి 01-15, 2021 మహిళా దినోత్సవ ప్రత్యేక సంచిక లో నా కథ "చెల్లె " ప్రచురితం అవడం చాలా ఆనందం. శ్రీమతి కల్వకుంట కవిత గారికి, అసోసియేట్ ఎడిటర్ డా|| కాంచనపల్లి గో.రా. గారికి హృదయపూర్వక ధన్యవాదాలు. మిత్రులందరికీ ముందస్తు మహిళా దినోత్సవ శుభాకాంక్షలు. కథ చదివి మీ అమూల్యమైన అభిప్రాయము తెలుపుతారుగా.. సుల్తాన్పూర్ బస్టాప్ నిర్మానుష్యంగా ఉండే. అర్థగంట నుంచి చూస్తున్న...
నమస్తే ఫ్రెండ్స్.. నవ తెలంగాణ పత్రిక ఆదివారం అనుబంధం "సోపతి" 10-01-2021 సంచికలో నేను రాసిన పిల్లల కథ "నేను తిన నీకు బెట్ట" . చదివి మీ అమూల్యమైన అభిప్రాయంని తెలుపుతారుగా. జోగులాపురంలో ఆంజనేయులు అనే వ్యాపారి ఉండేటోడు. అతను కిరాణా వ్యాపారం, మిత్తి వ్యాపారం జేసి రెండుచేతుల సంపాదించి లక్షలు కూడబెట్టిండు. కానీ అతను పరమ లోభి. అన్నం తినే చేత్తో కాకిని తరిమితే అన్నం మెతుకులు ఎక్కడ కింద పడతాయో అని భయపడేటోడు. పిల్లికి బిచ్చం బెట్టి ఎరగడు. అతని...

కటిక నిజం

నమస్తే ఫ్రెండ్స్, అందరికి నూతన సంవత్సర శుభాకాంక్షలు. కష్టాలు ఇప్పటివి కాదు. ప్రతి ఏడాది నేల తల్లిని కన్నతల్లిగా దుక్కి దున్నడం మొదలు పంట చేతికి వచ్చేవరకు కంటిమీద కునుకు లేకుండా కష్టపడతాడు రైతు. పంట చేతికి వచ్చేలోపు ఎన్నోన్నో కష్టాలు, నష్టాలు చవిచూసినా నేలతల్లిని మాత్రం వదిలివేయడు. అటువంటి రైతుల కోసం చట్టాలలో ఎన్నెన్నో మార్పులు వస్తున్నాయి. వాటివల్ల రైతులకు ఎలాంటి లాభాలు ఉన్నాయో సరిగా చెప్పలేము. కానీ ఓ సగటు మధ్యతరగతి రైతు ఎంతో ఆశతో, ఎన్నో కోరికలతో తనపంటను...

పరబ్రహ్మం

ఆకలితో ఉన్న వారికి అన్నమే దైవం. ఆకలితో ఉన్న ఓ వ్యక్తి అన్నం కోసం పడే ఆవేదనే ఈ కథ "పరబ్రహ్మం ". కథను ప్రచురించిన నమస్తే తెలంగాణ పత్రిక ఆదివారం అనుబంధం "బతుకమ్మ "సంపాదకులకు ధన్యవాదాలు. మిత్రులారా, "పరబ్రహ్మం " కథ చదివి మీ అమూల్యమైన అభిప్రాయాన్ని తెలుపుతారుగా… -------------------------------------------------------------------------------------------------------------------------------------------------------------------------------- కిటికీలో నుంచి ఏటవాలుగా పడ్డ ఎర్రటి ఎండ ముఖాన్ని చురుక్కుమనిపించడంతో ఉలిక్కి పడి కళ్ళు తెరిచాడు స్వామి. "పొద్దునైనట్టు ఉంది " తనలో తానే గొణుక్కున్నాడు. " రాత్రయినా, పగలైనా గుడ్డివాడికి తేడా...

ముందడుగు

మిత్రులారా..లాక్ డౌన్ కష్టకాలంలో కరోనా నేపథ్యంలో వ్రాసిన మరో కథ ఈ "ముందడుగు". నవంబర్ నెల 2020 "నెచ్చలి" అంతర్జాల పత్రికలో ప్రచురితం అయింది. డా. గీత కల గారికి ధన్యవాదాలతో.. మీ కోసం ఈ కథ ఇక్కడ.  మరి చదివి మీ అమూల్యమైన అభిప్రాయాన్ని తెలుపుతారుగా.. --------------------------------------------------------------------------------------------------------------------------------------------------------------------- పిల్లలిద్దరూ రంగు పెన్సిళ్ళతో కాగితాలమీద బొమ్మలేవో వేసుకుంటున్నారు. సోఫాలో కూర్చుని కూర్చుని నడుం నొప్పి పుడుతోంది. ఐదు నిముషాలు టీవీ లో వార్త చానెల్స్, మరో ఐదు నిముషాలు సెల్ ఫోన్లో ఫేస్బుక్, వాట్సాప్ లు...

ప్రార్ధన

మిత్రులకు నమస్తే. నవంబర్ 2020 విశాలాక్షి మాసపత్రికలో నేను రాసిన కథ " ప్రార్ధన" ప్రచురితం అయినది. " కరోనా" మహమ్మారి వల్ల మనం ఎంత నష్టాన్ని, బాధని చవిచూసామో మనకందరికీ తెలుసు. మనలాగే నోరులేని జంతువులు కూడా ఎంతో బాధ పడుతున్నాయి. ఆ జంతువులన్నీ కలసి మనగురించి, కరోనా గురించి ఏం మాట్లాడుకున్నాయో ఈ కథ "ప్రార్ధన" లో తెలుసుకుందామా.. కథ చదివి కామెంట్ చేయడం మరువకండి ఫ్రెండ్స్... సమయం ఉదయం పది గంటలు. మార్చి నెల. ఎండ ఇంకా ఎర్రగా రాలేదు....
నా కళ్ళ ముందు జరిగిన కొన్ని సంఘటనలకు, నాకు కన్నీళ్ళు తెప్పించిన వాస్తవ ఘటనలకు మనసు చలించి ఆ అనుభవాలను కథలుగా రాయడం ప్రారంభించాను. ప్రముఖ పత్రికల్లో యాభై కథలదాకా ప్రచురితం అయినాయి. . నవ్య వీక్లీ, విశాలాక్షి, వైశానక ప్రభ పత్రికలు నిర్వహించిన కథల పోటీలో బహుమతులు కూడా పొందాను.